Атырауда «Saraishyq Upgrade 2026» халықаралық жастар форумы басталды.
Ашылу салтанатына облыс әкімі Болат Ақшолақов қатысып, форум қатысушыларына сәттілік тіледі. Сондай-ақ жастардың кәсіби дамуына мүмкіндік жасау мен шығармашылық бастамаларын қолдаудың маңызын атап өтті.
Биыл алтыншы рет ұйымдастырылып отырған форумға Қазақстаннан және төрт шет мемлекеттен 300-ден астам жас қатысуда. Олардың қатарында Ресей Федерациясының Астрахан облысы, Өзбекстан, Әзербайжан және Грузиядан келген делегаттар бар.
Екі күндік форум бағдарламасы кинематография, маркетинг, музыка, іс-шаралар индустриясы, хореография және жасанды интеллект бағыттарын қамтиды. Қатысушылар осы салалардағы тәжірибелі сарапшылардың дәрістеріне қатысып, практикалық дағдыларын жетілдіреді.
Сондай-ақ форум жастардың өзара тәжірибе алмасуына, жаңа кәсіби байланыстар орнатуына және бірлескен жобаларды талқылауына мүмкіндік береді.
Фото ATPress.kz сайтынан
