«Кітап оқитын ұлт» республикалық жобасына тіркелген қатысушылар саны 1 миллионға жетті.
Жоба қазақстандықтар арасында кітап оқу мәдениетін дамытуға және тұрақты оқу әдетін қалыптастыруға бағытталған.
Оқу марафонына еліміздің әр өңірінен оқушылар, студенттер, мұғалімдер, ата-аналар мен кітапханашылар қатысып жатыр. Қатысушылар қазақ және орыс тілдеріндегі 300-ден астам шығарманың ішінен 15 кітапқа дейін таңдап оқи алады. Жобаның негізгі мақсаты – кітапты күнделікті өмірдің бір бөлігіне айналдырып, елдегі оқырман қауымның аясын кеңейту.
Дереккөз: «Кітап оқитын ұлт» жобасының ресми сайты
