Атырау қаласында «Жасыл ел» жастар еңбек жасақтарының XXII маусымының ашылу салтанаты ұйымдастырылды.
Іс-шараға Атырау қалалық ішкі саясат бөлімінің басшысы Нұрбол Өтегенәлиев қатысып, жастарды жаңа еңбек маусымының басталуымен құттықтады. Ол өз сөзінде жастар еңбегінің маңыздылығына тоқталып, қоғамға пайдалы бастамалардың әрдайым қолдау табатынын атап өтті.
Сондай-ақ жоба жетекшісі Заманбек Құрақбай «Жасыл ел» бағдарламасының негізгі бағыттары мен алдағы жоспарлары туралы ақпарат берді.
Шара барысында арнайы қонақтардың қатысуымен түрлі танымдық және мәдени бағдарламалар ұсынылды. Қатысушылар үшін фотобұрыш пен экокөрме ұйымдастырылып, Атыраудың жас өнерпаздары өнер көрсетті.
Биылғы маусымда 100 жас еңбекке тартылып, қала мен ауылдық округтердің көркеюіне өз үлестерін қоспақ.
