1504 жылдың 8 қыркүйегінде Флоренцияда Микеланджелоның әйгілі «Давид» мүсіні жұртшылыққа ресми түрде таныстырылды.
Жас шебер алып мүсінді бұған дейін басқа мүсіншілер жұмыс істеуге жарамсыз деп тапқан біртұтас мәрмәр кесегінен қашап шығарған. Микеланджело оны жасауға үш жылға жуық уақытын арнады. Биіктігі 5 метрден асатын «Давидті» қай жерге орналастыру керектігін шешкен арнайы комиссия құрамында Леонардо да Винчи мен Сандро Боттичелли де болған. Ақырында мүсін Флоренциядағы Палаццо Веккьоның алдына қойылып, қаланың еркіндігі мен қайсарлығының символына айналды. Бес ғасырдан астам уақыт өтсе де, «Давид» адамзат тарихындағы ең әйгілі өнер туындыларының бірі саналады.
