Бүгін әлем Халықаралық бейбітшілік күнін атап өтеді.
Бұл күнді БҰҰ Бас Ассамблеясы 1981 жылы бекітті. Ал 2001 жылы арнайы қарар қабылданып, 21 қыркүйек Халықаралық бейбітшілік күнінің тұрақты датасы болып белгіленді. БҰҰ бұл күнді бүкіл әлемде зорлық-зомбылықтан бас тартуға және қарулы қақтығыстарды кемінде 24 сағатқа тоқтатуға үндейтін күн деп жариялады.
Алғашқы Халықаралық бейбітшілік күні 1982 жылы аталып өтті. Содан бері жыл сайын 21 қыркүйек адамзатқа қарапайым, бірақ ең күрделі құндылықты – бейбіт өмірдің қадірін еске салады.
Бір дерек: 21 қыркүйек – БҰҰ ресми түрде белгілеген жаһандық атысты тоқтату және зорлық-зомбылықсыз өмір идеясын дәріптейтін күн.
Дереккөз: БҰҰ (United Nations).
