2050 жылы әлемдегі әрбір алтыншы адам 65 жастан асады.
БҰҰ болжамына сәйкес, 2050 жылға қарай әлемде 65 жастан асқан адамдардың үлесі 16 пайызға жетеді. Бұл – Жер шарындағы әрбір алтыншы тұрғын егде жаста болады деген сөз. Ал 2019 жылы бұл көрсеткіш әрбір он бірінші адамға тең болған.
1990 жылы БҰҰ Бас Ассамблеясы 1 қазанды Халықаралық қарттар күні деп жариялады. Содан бері бұл күн әлем назарын халықтың қартаю мәселесіне, егде жастағы адамдардың құқықтары мен қоғамдағы орнына аударып келеді.
Қызық дерек: Адамзат тарихында алғаш рет 2018 жылы әлемдегі 65 жастан асқан адамдар саны бес жасқа дейінгі балалар санынан асып түсті.
Дереккөз: United Nations, World Population Prospects; International Day of Older Persons.
